Rahbariyat

“Samarqand Mintaqaviy yo‘llarga buyurtmachi xizmati” Davlat muassasasi direktorining Mansab vazifalari; O‘zbekiston Respublikasining “Xo‘jalik yuritish sub’ektlarining shartnomaviy-huquqiy bazalari to‘g‘risidagi” va boshqa barcha amaldagi qonun-qoidalar doirasida yakka rahbarlik qiladi. Ishlab chiqarishni (Mintaqaviy a\yo‘llarni loyihalashtirish, qurish, qayta qurish, ta’mirlash) tashkil qiladi. Shartnomaviy rejalarning bajarilishini nazorat qiladi. Muassasa hisobidagi mablag‘lar, asosiy fondlar, tovar moddiy boyliklar, smeta xarajatlarining sarflanishi, ish haqi to‘lash va boshqa barcha buxgalteriya operatsiyalarining qonuniyligini nazorat qiladi. Muassasa balansidagi asosiy vositalar, kamomadlar, debitor va kreditor qarzdorliklarni chiqim qilishda amaldagi qonun-qoidalarga amal qilinishini to‘la nazorat qiladi. Muassasa hisobidagi mablag‘lar, xom ashyolar, asosiy fondlar va material moddiy boyliklarni belgilangan tartibda qayta ro‘yxatdan (inventarizatsiya) o‘tkazish va aniqlangan kamomadlar, qonunbuzarchiliklarni oldini olish bo‘yicha chora-tadbirlar belgilashni, zarur holatlarda aniqlangan kamomadlar, qonunbuzarchiliklar to‘g‘risida huquqni himoya qilish organlariga hujjatlar rasmiylashtirilishini ta’minlaydi. Mintaqaviy yo‘llarni qurish, qayta qurish, ta’mirlash konsepsiyalarini, qo‘p yillik va qisqa muddatli yo‘l ishlari dasturlarini ishlab chiqish ishlarida rahbarlik qiladi. Pudratchilar bilan shartnomalar tuzilishi va ularni ijrosini nazorat qiladi. Muassasani malakali mutaxassislar bilan ta’minlash choralarini ko‘radi. Ishlab chiqarishda yangi texnologiyalarni, fan yutuqlarini joriy etishda rahbarlik qiladi. Ishlab chiqarishda, pudrat va mehnat shartnomalari tuzishda davlat manfaatlarini himoya qiladi. Kadrlar o‘rtasida mehnat va ishlab chiqarish intizomiga rioya qilinishini nazorat qiladi. Muassasaning moliyaviy axvolini, Muassasada mehnatni muhofaza qilish va ishlab chiqarish (texnik) xavfsizligini ta’minlash bo‘yicha belgilangan vazifalarni bajarilishini nazorat qiladi. Qo‘l ostidagi barcha mutaxassis va xodimlarga rahbarlik qiladi. Xalq qabulxonalari orqali yo‘llangan murojaatlar, yuridik va jismoniy shaxslardan kelgan ariza va shikoyatlarni to‘laqonli tahlil qilishni va qonunlar doirasida hal etilishini nazorat qiladi.

“Samarqand Mintaqaviy yo‘llarga buyurtmachi xizmati” Davlat muassasasi direktori o‘rinbosarining xizmat vazifalari: O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish; Kuratorligidagi tarkibiy bo‘linmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari o‘rtasida vazifalarni taqsimlash; Bo‘ysunuvidagi tarkibiy bo‘linmalar tomonidan prognoz ko‘rsatkichlariga erishishni so‘zsiz ta’minlash chora-tadbirlarini ko‘rish, bo‘linmalar rahbarlarining hisobotlarini muntazam eshitish va ushbu ko‘rsatkichlarga erishish uchun ularning shaxsiy javobgarligini oshirish; Bo‘ysunuvidagi bo‘linmalarning ish rejalari bajarilishi ustidan nazoratni ta’minlash; O’zbekiston Respublikasi Prezidenti va O’zbekiston Respublikasi Vazirlar Mahkamasining qarorlari va topshiriqlari ijrosini tashkil etish, korxona faoliyatida ijro intizomini mustahkamlash bo‘yicha kompleks amaliy chora-tadbirlarni bajarish; Yuqori turuvchi tashkilotlarning buyruqlari va topshiriqlari o‘z vaqtida hamda sifatli bajarilishini ta’minlash; Bo‘ysunuvidagi bo‘linmalarda kadrlarni tanlash va joy-joyiga qo‘yish bo‘yicha muassasa direktoriga takliflar taqdim etish, ularning professionalligi, o‘z ishini bilishi, amaliy tajribaga, yuksak darajada ishlash xususiyatlariga va ma’naviy-ahloqiy fazilatlarga ega ekanligi kafolatini ta’minlash, ularning kasbiy malakasini oshirish chora-tadbirlarini ko‘rish, mutasaddilik qilinadigan bo‘linmalarda kadrlar zaxirasini shakllantirish; Yo‘l xo‘jaligi sohasidagi normativ-huquqiy hujjatlar loyihalarini bo‘ysunuvidagi bo‘linmalar tomonidan sifatli ijro etilishini tashkil etish, Yuqori turuvchi tashkilotlarga taqdim etilgan yo‘l xo‘jaligi sohasidagi takliflar va boshqa hujjatlar loyihalarini ko‘rib chiqish; Bo‘ysunuvidagi bo‘linmalar rahbarlari va xodimlarini rag‘batlantirish va intizomiy javobgarlikka tortish, shu jumladan, ularning egallab turgan lavozimida qolishi maqsadga muvofiqligi masalasini ko‘rib chiqish bo‘yicha takliflarni korxona direktoriga kiritish, funksional vazifalar va yuklangan vazifalar bajarilishi uchun ularning shaxsiy mas’uliyatini oshirish bo‘yicha tizimli chora-tadbirlar ko‘rish; Yo‘l xo‘jaligi sohasini takomillashtirish va rivojlantirish, shuningdek, zamonaviy axborot-kommunikatsiya texnologiyalaridan foydalanishga doir takliflarni kiritish; "Jismoniy va yuridik shaxslarning murojaatlari to‘g‘risida"gi O’zbekiston Respublikasi Qonunida belgilangan muddatlarda va tartibda jismoniy va yuridik shaxslarning murojaatlarini ko‘rib chiqish bo‘yicha samarali ishlarni tashkil etish, aholi bilan to‘g‘ridan-to‘g‘ri va ochiq muloqotni yo‘lga qo‘yish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan joylarga borib qabul qilish; Davlat siri hisoblanadigan ma’lumotlar va maxfiy axborot bilan ishlashda qonun hujjatlari talablariga rioya qilish; Mintaqaviy avtomobil yo‘llarni qurish, qayta qurish va ta’mirlashda, mavjud ishchi kuchi, material va moliyaviy resurslardan tejab-tergab foydalanish va pirovardida ajratilgan mablag‘larning samaradorligini oshirish yo‘llarini belgilash; Mintaqaviy avtomobil yo‘llarni qurish, qayta qurish va ta’mirlashda, ishlab chiqarish tarmoklarini (buyurtmachi va bosh pudratchi) o‘zaro mutanosib ishlashini ta’minlash; Yangi texnologiyalarni ishlab chiqish bo‘yicha ilmiy-tekshiruv, loyiha va oliy o‘quv yurtlari bilan yaqin aloqa o‘rnatadi. Muassasa mutaxassislari tomonidan yaratilayotgan yangiliklarni patentlashtirish, ishlab chiqarishga tatbiq etishda rahbarlik qiladi. Muassasada mehnatni muhofaza qilish va ishlab chiqarish (texnik) xavfsizligini ta’minlashni nazorat qiladi va ta’minlaydi. Muassasaga kelayotgan arizalar, tavsiyalar va aloqa xatlariga xodimlar tomonidan o‘z vaqtida asosli javoblar berilishini nazorat qiladi va ta’minlaydi. Muassasaning texnik mutaxassislari ustidan bevosita rahbarlik qiladi.

“Samarqand Mintaqaviy yo‘llarga buyurtmachi xizmati” Davlat muassasasi bosh muhandisi lavozim bo‘yicha xizmat vazifalari: O‘zbekiston Respublikasi Konstitutsiyasi, qonunlari va boshqa normativ-huquqiy hujjatlarga rioya etadi. O‘zbekiston Respublikasi Prezidenti va O‘zbekiston Respublikasi Vazirlar Mahkamasi hujjatlari ijrosini ta’minlaydi, ijro intizomini mustahkamlaydi. Yuqori turuvchi tashkilotlar topshiriqlarini o‘z vaqtida va sifatli bajarilishini ta’minlaydi. Bo‘ysunuvidagi bo‘linmalar faoliyatini muvofiqlashtiradi, nazorat qiladi va rahbarlik qiladi, ularni rag‘batlantirish va intizomiy javobgarlik yuzasidan takliflar kiritadi. Bo‘linmalar uchun kadrlar tanlovini amalga oshiradi, kadrlar zaxirasini shakllantirishda taklif kiritadi. Muassasaning texnik mutaxassislariga rahbarlik qiladi. Davlat standartlari va me’yorlarga rioya qilinishi ustidan nazorat o‘rnatadi. Yo‘l xo‘jaligi sohasidagi normativ-huquqiy hujjatlar ijrosini tashkil etadi. Prognoz ko‘rsatkichlarga erishishni ta’minlaydi, hisobotlarni tahlil qiladi va javobgarlikni oshiradi. Yuqori tashkilotlarga takliflar va loyihalarni taqdim etadi. Sohani rivojlantirish, AKT va yangi texnologiyalar joriy etish bo‘yicha takliflar ishlab chiqadi. Ilmiy-tadqiqot va ta’lim muassasalari bilan hamkorlik qilish. Yaratilgan yangiliklarni patentlashtirish va ishlab chiqarishga joriy etish. Yangi texnologiyalarni joriy etish va modernizatsiya qilish dasturlarini amalga oshiradi. Qisqa va uzoq muddatli dasturlarni ishlab chiqishda ishtirok etadi va amalga oshirish choralarini ko‘radi. Loyiha hujjatlari va loyihalash ishlarini nazorat qiladi. Jismoniy va yuridik shaxslarning murojaatlarini ko‘rib chiqadi, belgilangan muddatlarda ijrosini ta’minlaydi. Mehnat muhofazasi va texnik xavfsizlikni ta’minlaydi va nazorat qiladi. Maxfiy ma’lumotlar bilan qonun talablariga muvofiq ishlaydi. Buyurtmaga asosan tayyorlanadigan loyihalar uchun loyiha topshiriqlarini tuzish, hamda loyiha-smeta hujjatlarining amaldagi qurilish me’yoriy qoidalari va standartlariga muvofiq bajarilishi ustidan nazorat o‘rnatadi. Loyiha-smeta hujjatlarini sifatli va aniq ishlab chiqilishini ta’minlash maqsadida ularni texnik kengashlarda muhokama etilishini tashkil etadi va nazorat qiladi. Loyiha tashkilotlari tomonidan taqdim etilgan hujjatlarda aniqlangan nuqsonlar bo‘yicha tuzilgan qaydnomalarni ko‘rib chiqadi va imzolaydi. Texnik nazoratchilarni qurilishda qo‘llanilayotgan zamonaviy texnologiyalar va yangiliklar bilan tanishtirish maqsadida texnik seminar va o‘quv kurslarini tashkil etadi. Loyiha-smeta hujjatlarida aniqlangan xatolar va kamchiliklarni o‘z vaqtida bartaraf etilishini ta’minlaydi, zarurat tug‘ilganda ularni qayta ko‘rib chiqishni tashkil etadi. Smeta qiymatlarining asossiz ravishda oshirilishiga yo‘l qo‘ymaslik choralarini ko‘radi. Mintaqaviy yo‘llarni ta’mirlash va investitsiya dasturlari to‘g‘risidagi qarorlar asosida amalga oshiriladigan ishlar tashkil etilishini ta’minlaydi. Avtomobil yo‘li va undagi inshootlarda pudratchi tomonidan bajarilgan yo‘l ta’mirlash ishlarini tasdiqlovchi F-3 shakldagi dalolatnomalar (spravka-schet faktura)ni, tegishli texnik nazoratchilar tomonidan to‘ldirilganligi va normativ hujjatlarga muvofiqligi yuzasidan o‘rganib chiqadi, tasdiqlaydi va to‘lovga taqdim etilishini ta’minlaydi. Qurilishi tugallangan ob’ektlarni foydalanishga topshirish maqsadida Davlat va ishchi qabul komissiyasi faoliyatini tashkil etadi, ishtirok etadi va ishchi komissiya dalolatnomalarini imzolaydi. Kunlik, oylik, choraklik va yillik hisobotlarni tayyorlash jarayoniga rahbarlik qiladi va ularning belgilangan muddatlarda manfaatdor tashkilotlarga taqdim etilishini nazorat qiladi. O‘ziga yo‘llangan aloqa xatlari, yuqori tashkilotlar tomonidan so‘ralgan ma’lumotlar va faksogrammalarga belgilangan muddatlarda javob qaytaradi. Muassasaning texnik xodimlariga bevosita rahbarlik qiladi, ularning vazifalarini bajarishini muvofiqlashtiradi va nazorat qiladi. Buyurtmachi va pudratchilar o‘rtasida muvofiqlikni ta’minlaydi. Direktor yo‘q vaqtida uning vazifasini vaqtincha bajaradi. Bo‘linmalar faoliyatini to‘g‘ridan-to‘g‘ri nazorat qilish va ularga topshiriqlar beradi. Bo‘linmalar rahbarlaridan hisobot va ma’lumotlar talab qiladi. Xodimlarni rag‘batlantirish yoki intizomiy javobgarlikka tortish yuzasidan direktorga taklif kiritadi. Kadrlar tanlovi, lavozimga tayinlash yoki o‘zgartirish yuzasidan qaror qabul qilish bo‘yicha taklif beradi. Ilmiy-tadqiqot, loyiha va ta’lim muassasalari bilan shartnomalar va hamkorlik aloqalarini o‘rnatadi. Yuqori tashkilotlarga yo‘nalishi bo‘yicha takliflar kiritadi. Loyihalar va dasturlar ijrosiga rahbarlik qiladi, zarur hollarda to‘xtatish yoki o‘zgartirish kiritish bo‘yicha takliflar beradi. Texnik va iqtisodiy hujjatlarni ko‘rib chiqish va muvofiqlashtirishda ishtirok etadi. Axborot-kommunikatsiya texnologiyalarini joriy etish bo‘yicha tashabbus ko‘rsatadi. Jismoniy va yuridik shaxslarni shaxsan yoki joylarda qabul qilishni tashkil etadi. Mahfiy ma’lumotlar bilan qonun doirasida ishlash va tegishli ruxsatnomalar olish huquqi. Ijro intizomini ta’minlash bo‘yicha ichki hujjatlarni tasdiqlash uchun takliflar beradi.